کوئی بھی نجی سکول تین ماہ کی یکمشت فیس نہیں لے گا،ای ڈی او ایجوکیشن نے نوٹس جاری کردیا
لاہور(92نیوز)ای ڈی او ایجوکیشن نے تمام سکولوں کو نوٹس جاری کر دیا ہے کہ کوئی بھی سکول تین ماہ کی اکٹھی فیس وصول نہیں کرے گا۔
تفصیلات کے مطابق نجی تعلیمی اداروں کو ای ڈی او ایجوکیشن نے نوٹس جاری کر دیا ہے کہ کوئی بھی سکول طلبہ سے تین ماہ کی فیس یکمشت وصول نہیں کرے گا۔
اس کے ساتھ ای ڈی او ایجوکیشن نے موسم گرما کی چھٹیوں کی فیس وصول کرنے والے سکول کے خلاف ڈی او پرائیویٹ حسنات احمد کی ڈیوٹی بھی لگا دی ہے کہ خود جا کر سکولوں کو چیک کرے۔
ای ڈی او ایجوکیشن نے ٹیلی فون نمبرز جاری کرتے ہوئے کہا کہ اگر کوئی سکول والدین سے تین ماہ کی اکٹھی فیس طلب کرے تو اس کے خلاف جاری کیے گئے ٹیلی فون نمبرز شکایت درج کرائی جائے۔ والدین ان نمبر پر شکایت درج کراسکتے ہیں ۔
042-99202401 اور 0333-4281594