پاک زمبابوے ون ڈے سیریز کی ٹرافی کی رونمائی کر دی گئی
لاہور(سپورٹس ڈیسک)پاکستان اورزمبابوے کے درمیان ون ڈے سیریز کے لیے ٹرافی کی رونمائی کر دی گئی جبکہ سیریز کل قذافی سٹیڈیم میں شروع ہو گی۔
تفصیلات کے مطابق پاکستان اور زمبابوے کے درمیان ون ڈے سیریز کی ٹرافی کی تقریب رونمائی میں دونوں ٹیموں کے کھلاڑی اپنے کپتانوں کی قیادت میں شریک ہوئے۔
ان کے علاوہ پی سی بی حکام اور میچ آفیشلز بھی تقریب میں موجود تھے،اس موقع پر کپتان اظہر علی نے بات کرتے ہوئے کہا کہ ون ڈے ٹیم ٹی ٹوینٹی سے بہتر ہے۔
