اسلام آباد (92 نیوز) رینٹل پاور کارکے اسکینڈل میں اہم پیشرفت سامنے آ گئی ، سابق وفاقی سیکرٹری شاہد رفیع نےکروڑوں روپے کِک بیکس لینے کا اعتراف کر لیا ۔ اعترافی بیان کے بعد نیب راولپنڈی نے سابق وزیراعظم راجہ پرویز اشرف کے خلاف بھی گھیرا تنگ کر دیا ۔
ذرائع کے مطابق
رینٹل پاور کارکے اسیکنڈل کے اہم ملزم سابق وفاقی سیکرٹری
شاہد رفیع نے مجسٹریٹ کے سامنے کروڑوں روپے کِک بیکس لینے کا اعتراف کر لیا ۔
رشوت کے طور پر ملنے والے دو کروڑ روپے بھی
نیب کو دے دیے ، چیئرمین نیب نے شاہد رفیع کے
وعدہ معاف گواہ بننے کی درخواست منظور کر لی ۔
کروڑوں روپے واپسی کی آمادگی پر شاہد رفیع کو رہا کر دیا گیا ، کارکے کیس عالمی عدالت میں بھی چل رہا ہے ، نیب نے تمام ثبوت عالمی عدالت میں بھی پیش کرنے کا فیصلہ کیا ہے ۔