Friday, October 22, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

امیر جماعت اسلامی سراج الحق اور خیبرپختونخواکے صوبائی وزراءنے ضابطہ اخلاق کی خلاف ورزی پرالیکشن کمیشن سے تحریری معافی مانگ لی

امیر جماعت اسلامی سراج الحق اور خیبرپختونخواکے صوبائی وزراءنے ضابطہ اخلاق کی خلاف ورزی پرالیکشن کمیشن سے تحریری معافی مانگ لی
May 25, 2015
پشاور (92نیوز) امیر جماعت اسلامی سینیٹر سراج الحق نے الیکشن کمیشن کی طرف سے واضح پابندی کے باوجود تئیس مئی کوہونے والے بلدیاتی انتخابات کے سلسلے میں خیبرپختونخوا کے علاقے کاٹلنگ میں جلسہ کیا تھا جس پر الیکشن کمیشن نے انہیں نوٹس جاری کرتے ہوئے طلب کررکھا تھا تاہم امیرجماعت اسلامی نے کسی بھی قسم کی کارروائی سے بچنے کےلئے الیکشن کمیشن سے تحریری معافی مانگ لی اورتیس مئی تک تمام انتخابی جلسے اور عوامی اجتماع منسوخ کردیئے۔ دوسری طرف خیبرپختونخوا کے صوبائی وزیراطلاعات مشتاق غنی، حبیب الرحمان، اکبرایوب اورسردارادریس نے بھی الیکشن کمیشن کے ضابطہ اخلاق کی خلاف ورزی پر معافی مانگ لی ہے۔ ادھرالیکشن کمیشن نے بلدیاتی الیکشن کے ضابطہ اخلاق کی خلاف ورزی پرپی ٹی آئی کے ایم پی اے فیصل زمان کونوٹس جاری کردیا۔ الیکشن کمیشن نے وزراءاورارکان اسمبلی کو ہدایت کی ہے کہ مستقبل میں ضابطہ اخلاق کے معاملے پراحتیاط برتی جائے، خیبرپختونخوا میں تیس مئی تک حکومتی اشتہارات اورکارنر میٹنگز پر پابندی ہوگی۔
تازہ ترین خبریں حاصل کرنے کے لیے فوری اطلاع کی اجازت دیں

آپ کسی بھی وقت دائیں طرف نیچے بیل آئیکن پر صرف ایک کلک کے ذریعے آسانی سے سبسکرائب کر سکتے ہیں۔