جمعہ کے روز کھیلے جانیوالے میچ سے قبل پاکستان اور زمبابوے ٹیموں کی قذافی سٹیڈیم میں بھرپور پریکٹس
![جمعہ کے روز کھیلے جانیوالے میچ سے قبل پاکستان اور زمبابوے ٹیموں کی قذافی سٹیڈیم میں بھرپور پریکٹس](https://urdu.92newshd.tv/wp-content/uploads/2015/05/zim2.jpg)
لاہور (92نیوز) چھ سال بعدقذافی سٹیڈیم کی مصنوعی روشنیوں میں دوبین الاقوامی ٹیموں نے پریکٹس سیشن میں حصہ لیا۔ اس سیشن میں دونوں ٹیموں نے اپنی اپنی خامیوں پر قابو پانے کی کوشش کی۔
پاکستان اور زمبابوے کے درمیان چھ سال بعد قذافی سٹیڈیم میں ہونےوالے پہلے ٹی ٹونٹی سے قبل مصنوعی روشنی کے پریکٹس سیشن میں زمبابوے کے کوچ ڈیوواٹمور کی خصوصی درخواست پر سات پاکستانی باولروں نے بلے بازوں کو پریکٹس کرائی۔
دوسری جانب سٹیڈیم کے شرقی حصے میں ڈیوواٹمور کی پریکٹس کا تقابلی جائزہ لینے اور اس کا توڑ نکالنے کےلئے وقاریونس، گرانٹ فلاور نے بھی اپنے اپنے اطوار سے پاکستانی کھلاڑیوں کو تیار کیا۔ پاکستان اور زمبابوے کے درمیان پہلا ٹی ٹونٹی جمعہ کو کھیلا جائیگا جس کےلئے حکمت عملی ترتیب دینے کا کل آخری دن ہو گا۔