اسلام آباد (92 نیوز) یوسف رضا گیلانی کی نااہلی بنتی ہے یا نہیں؟ الیکشن کمیشن نے پی ٹی آئی کی درخواستیں سماعت کیلئے مقرر کردیں ۔ پانچ رکنی بینچ 22 مارچ کو نااہلی کی درخواست پر سماعت کرے گا۔ اُدھر یوسف رضا گیلانی نے سینیٹ میں مسترد ووٹوں کی کاپی حاصل کرنے کیلئے عدالت سے رجوع کا فیصلہ بھی کرلیا۔

لاہور (92 نیوز) محمد زبیر نے کہا لیگی حکومت نیب قوانین میں ترمیم کرتی تو پی ٹی آئی کرپشن کا الزام لگا دیتی۔

کراچی (92 نیوز) سندھ اسمبلی میں آج پھر شورشرابہ دیکھنے میں آیا۔ اپوزیشن اور حکومتی ارکان میں گرما گرمی ہوئی۔ ناراض ساتھیوں کی آمد اور حکومتی بینچوں پر بٹھانے پر پی ٹی آئی ارکان نے احتجاج کیا۔

اسلام آباد (92 نیوز) وفاقی وزیراطلاعات شبلی فراز کہتے ہیں کہ ن لیگ اور پیپلزپارٹی ایک ایک صوبوں تک محدود، پی ٹی آئی اپنے نظریے کی وجہ سے چاروں صوبوں کی جماعت ہے۔

اسلام آباد (92 نیوز) ‏پی ٹی آئی کے چیف وہیپ عامر ڈوگر کے عملے کی جانب سے پلے کارڈز پارلیمنٹ ہاؤس لانے کی کوشش کی گئی۔

اسلام آباد (92 نیوز) سینیٹ الیکشن 2021 کے بعد پی ٹی آئی 26 سیٹوں کے ساتھ سینیٹ کی سب سے بڑی جماعت بن گئی ۔