کراچی (92 نیوز) کراچی میں گلشن حدید لنک روڈ پر مبینہ پولیس مقابلہ ہوا جس میں ایک ڈاکو ہلاک جبکہ دوسرا فرار ہو گیا۔ ڈاکوؤں کی فائرنگ سے ایک پولیس اہلکار زخمی بھی ہو گیا۔

سوات (92 نیوز) سوات کے علاقہ سیدوشریف میں پولیس نے چوری کے الزام میں گرفتار خواتین پر تھپڑ برسائے اور لاتیں ماریں۔ وزیر اعلیٰ خیبرپختونخوا محمود خان نے واقعہ کا نوٹس لے لیا۔ آئی جی خیبرپختونخوا نے ایس ایچ او اور ایڈیشنل ایس ایچ او اور تین اہلکاروں کو گرفتار کر لیا۔

اسلام آباد (92 نیوز) جی الیون حادثہ میں پولیس گرفتاری سے قبل ملزم نے عبوری ضمانت کرالی۔

ہریانہ (92 نیوز) بھارت میں کسانوں کا احتجاج شدت اختیارکرنے لگا۔ ہریانہ میں احتجاجی مظاہرے کے جواب میں پولیس کے حامی بھی سڑکوں پر نکل آئے۔ دونوں جانب سے شدید نعرے بازی کے بعد فریقین گتھم گتھا ہوگئے، شدید جھڑپوں پر پولیس نے مظاہرین پر آنسو گیس کے شیل برسادیئے، لاٹھی چارج بھی کیا۔

کراچی (92 نیوز) کراچی میں رینجرز اور پولیس نے مطلوب ڈکیت گروہ کے دو ملزمان کو گرفتار کر لیا۔ ملزمان کا پانچ وارداتوں میں ملوث ہونے کا اعتراف ہے۔

کراچی (92 نیوز) کراچی میں حساس اداروں اور پولیس نے اتحاد ٹاؤن میں مشترکہ کارروائی کرتے ہوئے بھارت سے تربیت یافتہ دہشتگرد منصور علی عرف انیل گرفتار کر لیا۔