فرمان الہی

ڈی جی آئی ایس پی آر  لیفٹیننٹ جنرل احمد شریف  نے کہا ہے کہ پاکستان نے پہلگام واقعے پر بھارت کو غیرجانبدارنہ تحقیقات کی پیشکش کی تھی، بھارت نے تحقیقات کی پیشکش نہ مان کر جارحیت  کا راستہ اپنایا۔

پاک فوج کے شعبہ تعلقات عامہ (آئی ایس پی آر) کے سربراہ لیفٹیننٹ جنرل احمد شریف نے ترک خبررساں ادارے سے بات کرتے ہوئے کہا کہ پاکستان پہلگام واقعے سے متعلق بھارتی الزامات کو مسترد کرتا ہے، بھارت کے پاس  ثبوت ہیں تو کسی غیر جانبدار ملک کے سامنے پیش کرے۔

ڈی جی آئی ایس پی آر نے کہا کہ پاکستان نے پہلگام واقعے پر بھارت کو غیرجانبدارنہ تحقیقات کی پیشکش کی تھی، بھارت نے پاکستان کی تحقیقات کی پیشکش قبول کرنے سے انکار کردیا۔

یہ بھی پڑھیں: پاکستان نے بھارتی میڈیا کے الزامات اور پروپیگنڈے کو مسترد کر دیا

انہوں نے کہا کہ بھارت نے پاکستان میں 6 مقامات پر حملے کرکے شہریوں کو نشانہ بنایا، بھارت نے مساجد پربمباری کی، بھارتی حملے میں خواتین اور بچے شہید ہوئے۔

 لیفٹیننٹ جنرل احمد شریف نے کہا کہ بھارت نے تحقیقات کی پیشکش نہ مان کر جارحیت  کا راستہ اپنایا، بھارت ہمیشہ دہشتگردی  کی ذمہ داری پاکستان پر ڈال کر سیاسی فائدہ اٹھانے  کی کوشش کرتا ہے، بھارت کی طرف سے پاکستان پر بغیرثبوت الزام کاسلسلہ بند ہونا چاہیے۔

ان کا کہنا تھا کہ پہلگام میں سیاحوں میں پرحملے کے بعد  پاکستان نے ذمہ داری کامظاہرہ کیا اور بھارت کو شفاف تحقیقات کی پیشکش کی۔