سانحہ جعفر ایکسپریس میں شہید لانس نائیک عثمان سپرد خاک
ویب ڈیسک: سانحہ جعفر ایکسپریس میں شہید لانس نائیک عثمان کو فتح جنگ میں سپرد خاک کر دیا گیا۔
تفصیلات کے مطابق شہید لانس نائیک عثمان کی نماز جنازہ میں گورنر پنجاب سلیم حیدر، عسکری حکام اور شہریوں کی بڑی تعداد نے شرکت کی، پاک فوج کے بہادر سپوت سپاہی مزمل شہید کی فیصل آباد کے نواحی علاقے میں تدفین کی گئی، پاک فوج کے چاق چوبند دستے نے سلامی پیش کی۔
شہید نائیک ملک سرفراز کی نماز جنازہ دولتالہ میں ادا کی گئی، عسکری حکام اور شہریوں نے بڑی تعداد میں شرکت کی۔
خیال رہے کہ دہشت گردوں نے بلوچستان کے ایک دشوار گزار علاقے میں جعفر ایکسپریس پر حملہ کیا تھا اور 400 سے زائد مسافروں کو یرغمال بنا لیا تھا، جن میں ایک بڑی تعداد سیکیورٹی اہلکاروں کی بھی شامل تھی۔