فرمان الہی

لاہور: (92 نیوز) کرپٹو کرنسی کے لیے مؤثر ضابطہ کاری کی جارہی ہے، جدید مالیاتی نظام اور ڈیجیٹل معیشت کو فروغ دینے کی جانب اہم قدم۔ پاکستان کرپٹو کونسل کی تشکیل کردی گئی۔ کونسل میں کون کون شامل ہے اور کیا ذمہ داریاں شامل ہیں؟

پاکستان کرپٹو کونسل کا قیام ہوگیا ہے، ڈیجیٹل معیشت کے فروغ کیلئے یہ ایک اہم قدم ہے، کونسل کے قیام کا باضابطہ اعلان بھی کردیا گیا ہے۔ سرکاری اعلامیے کے مطابق وزیر خزانہ سینیٹر محمد اورنگزیب کو کونسل کا سربراہ جبکہ بلال بن ثاقب کو سی ای او مقرر کیا گیا ہے۔

کونسل کے ابتدائی بورڈ میں گورنر اسٹیٹ بینک، چیئرمین سیکیورٹیز اینڈ ایکسچینج کمیشن، وفاقی سیکرٹری قانون اور وفاقی سیکرٹری آئی ٹی شامل ہیں۔

یہ بھی پڑھیں: آئی ایم ایف اور حکومت پاکستان کے درمیان مذاکرات کا آخری روز: مزید ٹیکسز کا مطالبہ؟

وزیر خزانہ کا کہنا ہے کہ پاکستان کرپٹو کونسل کے قیام سے ملک میں ڈیجیٹل فنانس کو فروغ دینے اور کرپٹو کرنسی کے لیے محفوظ ماحول فراہم کرنے میں مدد ملے گی۔ بلال بن ثاقب نے کہا کہ کونسل کا مقصد بلاک چین اور کرپٹو ٹیکنالوجی کو فروغ دینا اور عالمی ڈیجیٹل معیشت میں پاکستان کا کردار مضبوط بنانا ہے۔

کونسل کے ابتدائی اہداف میں کرپٹو کرنسی کے لیے واضح ضابطہ کاری، عالمی اداروں سے روابط اور صارفین کے تحفظ کے لیے مضبوط فریم ورک تشکیل دینا شامل ہیں۔ اس اقدام سے پاکستان میں جدید مالیاتی ٹیکنالوجی کے شعبے میں ترقی کے نئے دروازے کھلنے کی توقع ہے۔