فرمان الہی

ویب ڈیسک:خیبر پختونخوا کے مختلف علاقوں میں زلزلے کے جھٹکے محسوس کیے گئے، جس سے لوگوں میں خوف و ہراس پھیل گیا۔

تفصیلات کے  مطابق زلزلے کا مرکز افغانستان اور تاجکستان کے سرحدی علاقے میں تھا، اور اس کی شدت ریکٹر اسکیل پر 5.1 ریکارڈ کی گئی۔

زلزلہ پیما مرکز کے مطابق  زلزلے کے جھٹکے سوات اور پشاور سمیت مختلف شہروں میں محسوس ہوئے، جس کے نتیجے میں لوگ کلمہ طیبہ کا ورد کرتے ہوئے اپنے گھروں سے باہر نکل آئے۔

زلزلے کے باعث فوری طور پر کسی جانی یا مالی نقصان کی اطلاع نہیں ملی ہے، لیکن لوگوں میں شدید خوف و ہراس پایا گیا۔

2 روز قبل جڑواں شہروں سمیت ملک کے مختلف علاقوں میں بھی زلزلے کے جھٹکے محسوس کیے گئے جس کی شدت 4.8 ریکارڈ کی گئی تھی جبکہ گزشتہ روز بھارت کے علاقے شدید زلزلے سے کانپ اٹھے تھے۔