فرمان الہی

لاہور: ( 92 نیوز) پی آئی اے پاکستان میں منعقد ہونے والی کرکٹ چیمپئن ٹرافی میں شرکت کرنے والی بین الاقوامی ٹیموں کو سفری سہولیات فراہم کرے گی۔

ترجمان پی آئی اے کے مطابق پاکستان کرکٹ بورڈ کے تعاون کے ساتھ ٹیموں کی اندرون ملک آمدورفت کے خصوصی انتظامات کئے ہیں، پی آئی اے چیمپئن ٹرافی میں کرکٹ ٹیموں کی اندرون ملک آمدورفت کے لئے خصوصی چارٹر پروازیں آپریٹ کرے گی۔

ترجمان پی آئی اے کا کہنا ہے کہ دوران پرواز مہمان ٹیموں کو پاکستانی ثقافت سے روشناس کروانے کیلئے خصوصی اقدامات کررہے ہیں۔

انہوں نے مزید کہا کہ کراچی، اسلام آباد اور لاہور کے درمیان 09 خصوصی چارٹر پروازیں چلائی جائیں گی۔