کراچی ،موبائل اسمگلنگ اسکینڈل ، کسٹم اپریزمنٹ نے تین مقدمات درج کرلئے
![کراچی ،موبائل اسمگلنگ اسکینڈل ، کسٹم اپریزمنٹ نے تین مقدمات درج کرلئے](https://urdu.92newshd.tv/wp-content/uploads/2018/01/mobile-smagler.jpg)
کراچی ( 92 نیوز ) موبائل اسمگلنگ اسکینڈل میں کراچی میں کسٹم اپریزمنٹ نے تین مقدمات درج کرلئے ۔ اسمگلروں کی معاونت کے الزام میں الحمد انٹرنیشنل کنٹینرٹرمینل کےکنٹری ہیڈ احمد مرزا سمیت دوافراد گرفتار کرلئے گئے ۔
ویسٹ ہارف سے موبائل اسمگلرز کی معاونت کے الزام میں آل حمد انٹرنیشنل کنٹینر ٹرمینل کے کنٹری ہیڈ احمد مرزا سمیت دو افراد کو گرفتار کرلیا گیا ۔ گرفتار ہونے والوں میں مینجر مہدی شیروانی بھی شامل ہے۔
ڈپٹی کلیکٹر کسٹم عمران رسول کہتے ہیں گرفتار افراد نے اسمگلرز کی مدد کی ۔ تین مقدمات درج کرکے تفتیش کا دائرہ وسیع کردیا ہے ۔ دیگر افراد کو بھی جلد گرفتار کرلیا جائے گا۔
کسٹم اپریزمنٹ نے چودہ جنوری کو ہونے والی کارروائی میں ایک ارب مالیت کے موبائل فونز برآمد کئے تھے ۔ جو مس ڈکلریشن کے زریعے منگوائے گئے تھے ۔