لاہور میں اچھرہ بازار میں بجلی ٹرانسفارمر گر گیا

لاہور (92 نیوز) لاہور کے مصروف ترین اچھرہ بازار میں بجلی ٹرانسفارمر گر گیا۔

صوبائی دارالحکومت لاہور میں لیسکو کا بوسیدہ نظام، اموات کا باعث بننے لگا۔ اچھرہ میں بجلی کا ٹرانسفارمر گرنے سے ایک راہگیر عورت جاں بحِق ہو گئی۔

ریسکیو حکام کے مطابق ٹرانسفارمر گرنے سے 2 بچے بھی زخمی ہوئے۔ جاں بحِق ہونے والی چالیس سالہ خاتون کی شناخت نہ ہو سکی۔ بچے سروسز اسپتال منتقل کر دیئے گئے۔

مقامی تاجروں کا کہنا ہے کہ حادثہ لیسکو کی نااہلی ہے۔ دو دفعہ پہلے بھی ٹرانسفارمر سے شعلے نکلے۔

لیسکو کی ٹیمیں بجلی کی بحالی کے لیےموقع پر پہنچ گئیں۔