سپریم کورٹ کا این اے 267 بلوچستان میں دوبارہ الیکشن کرانے کا حکم

اسلام آباد (92نیوز) سپریم کورٹ نے این اے 267 کھچی بلوچستان میں دوبارہ الیکشن کرانے کا حکم دے دیا۔ تفصیلات کے مطابق عام انتخابات میں بلوچستان کے حلقہ این اے 267 سے نون لیگ کے خالد مگسی کامیاب ہوئے تھے۔ آزاد امیدوار عبدالرحیم رند نے دھاندلی کا الزام لگا کر الیکشن ٹربیونل سے رجوع کیا تھا۔ سپریم کورٹ نے الیکشن ٹربیونل بلوچستان کے فیصلے کو برقرار رکھتے ہوئے این اے 267 کھچی بلوچستان میں دوبارہ الیکشن کرانے کا حکم دے دیا۔