روسی اسنائپر نے مکمل اندھیرے میں تمام ٹارگٹس کو کامیابی سے نشانہ بناڈالا
ماسکو ( 92 نیوز) روس میں ایک اسنائپر نے مکمل اندھیرے میں تمام ٹارگٹس کو کامیابی سے نشانہ بنا ڈالا ۔ روسی میڈیا کے مطابق سرگئی شِماکوؤ نامی اس ماہر نشانہ باز نے خراب موسم اور اندھیرے کو شکست دیتے ہوئے دو کلومیٹر کے فاصلے سے اپنے تمام اہداف کو نشانہ بنایا۔
اس تمام مشق کا مقصد روس کی ایک ہتھیار بنانے والی کمپنی کی نئی رائفل کی آزمائش تھی ، طاقتور لانگ بیرل والی یہ رائفل نائٹ وژن اسکوپ سے آراستہ تھی۔
سرگئی نے اپنے اہداف کو نشانہ بنانے کے لیے پانچ راؤنڈز فائر کیے۔ ہتھیار بنانے والی کمپنی کا کہنا ہے کہ اگلی آزمائش میں وہ ہدف کا فاصلہ بڑھا دے گے۔