دہشتگردی کیخلاف پاکستان نے امریکی توقعات سےبڑھ کر مدد کی ،امریکی جریدہ
نیو یارک ( 92 نیوز ) امریکی جریدے نیویارکر نے اعتراف کرلیا کہ پاکستان نے دہشتگردی کیخلاف جنگ میں مدد امریکی توقعات سے کہیں بڑھ کر کی ۔
رپورٹ میں انکشاف کیا گیا ہے کہ وزیر دفاع اور وزیر خارجہ کو ٹرمپ کے ٹویٹ اور امداد کی بندش کا علم نہیں تھا ۔ پینٹا گون اور اسٹیٹ ڈیپارٹمنٹ نے بھی اقدام کی مخالفت کردی ہے ۔
جریدے کے مطابق جنرل جیمس میٹس نے پھر پاکستان سے رابطے کی تیاریاں شروع کر دی ہیں ۔ پینٹا گون خوفزدہ ہے کہ پاکستان زمینی اور فضائی روٹ بند کردے گا۔