ختم نبوت کے معاملے پر فوج سمجھوتہ نہ کراتی تو انتشار پھیل جاتا، عمران خان
اسلام آباد ( 92 نیوز ) چیئرمین تحریک انصاف عمران خان نے کہا کہ شاہد خاقان عباسی کے پاس کوئی مینڈیٹ نہیں ۔ ملک میں انتشار پھیلا ہوا تھا اور شاہد خاقان رائیونڈ میں جا کر بیٹھ گئے تھے ۔ ختم نبوت کے معاملے پر اگر فوج سمجھوتہ نہ کراتی تو ملک میں انتشار پھیل جاتا۔
عمران خان نے مزید کہا کہ اسحاق ڈار نواز شریف کے فرنٹ مین تھے ۔ اسحاق ڈار نے حدیبیہ پیپر ملز میں نواز شریف کے پیسوں کی تفصیلات دی تھی ۔ اسحاق ڈار کو نہ ہٹانے کی وجہ بھی یہی ہے کہ ان کو سب پتہ ہے ۔
چیئرمین تحریک انصاف نے کہا کہ اسحاق ڈار اگر بولنا شروع ہوئے تو ان کو پتہ چل جائے گا کہ کیوں نکالا ۔ عثمان ڈار نے جس کو چیلنج کیا ہے وہ دبئی سے 17 لاکھ روپے تنخواہ لے رہا ہے ۔ کہیں پر بھی بندوقوں سے مسئلے حل نہیں ہوتے ۔ لال مسجد کے واقع کے بعد دہشتگردی کا گراف اوپر گیا تھا ۔
چیئرمین تحریک انصاف نے کہا کہ شریف خاندان کی تمام کرپشن کے پیچھے قطری خط ہے ۔ سب کو پتہ ہےقطری اور قطری خط فراڈ ہے۔ میرا خیال ہے ختم نبوت بل میں ترمیم باہر کی لابی کو خوش کرنے کی کوشش تھی ۔ ختم نبوت ترمیم کو کسی بھی فورم میں زیر بحث نہیں لایا گیا۔