جشن آزادی منانے کیلئے کراچی کے نوجوان سب پر بازی لے جانے کو بے چین

کراچی (92 نیوز) پاکستان کا یوم آزادی جیسے جیسے قریب آرہا ہے کراچی میں نوجوانوں  کا جوش و جذبہ بھی آسمان کی بلندیوں کو چھو رہا ہے ۔ کوئی قومی پرچم والا لباس زیب تن کر رہا ہے تو کوئی اپنی موٹر بائیکس کو سفید اورسبز رنگ میں رنگ کر ارض پاک سے والہانہ محبت کا اظہار کر رہا ہے ۔ موٹرسائیکلوں پر ہرے اور سفید رنگ کے ساتھ خوبصورت لائٹیں بھی لگائی جارہی ہیں جو رات میں جگمگا کرآزادی کی خوشیاں دوبالا کر رہی ہیں۔