وزیراعظم شہباز شریف کی افغان فورسز کی چمن میں آبادی پر بلااشتعال فائرنگ کی مذمت
اسلام آباد (92 نیوز) - وزیراعظم شہباز شریف نے افغان فورسز کی چمن میں آبادی پر بلااشتعال اور اندھادھند فائرنگ کی شدید مذمت کی ہے۔
Unprovoked shelling & fire by Afghan Border Forces at Chaman resulting in martyrdom of several Pakistani citizens & injuring more than a dozen is unfortunate & deserves the strongest condemnation. The Afghan Interim government should ensure that such incidents are not repeated.
وزیراعظم شہباز شریف نے ٹویٹ پیغام میں کہا واقعہ انتہائی افسوسناک ہے ، افغان عبوری حکومت یقینی بنائے کہ آئندہ ایسا نہ ہو۔
واضح رہے کہ گزشتہ روز چمن کے علاقے میں افغان بارڈر فورسز کی بلا اشتعال گولہ باری اور فائرنگ کے نتیجے میں 6 پاکستانی شہری شہید اور ایک درجن سے زائد شہری زخمی ہوئے تھے۔
آئی ایس پی آر نے ایک بیان میں کہا کہ پاکستانی فوجیوں نے "بلا اشتعال اور بلاامتیاز" فائرنگ کا جواب دیا۔
آئی ایس پی آر نے واقعے کو "غیر ضروری جارحیت" قرار دیا اور کہا کہ پاکستانی فوجیوں نے "مناسب" لیکن "پیمانہ جواب" دیا اور دوسری طرف سے شہریوں کو نشانہ بنانے سے گریز کیا۔