ستائیس فروری 2019ء، پاک فضائیہ کا آپریشن سوئفٹ ریٹارٹ، بھارتی فضائیہ کیلئے سرپرائز ڈے
راولپنڈی (92 نیوز) ستائیس فروری 2019ء بھارتی فضائیہ کیلئے سرپرائز ڈے، بھارتی سورماؤں کا غرور خاک میں ملانے کا دن ہے۔
آپریشن سوئفٹ ریٹارٹ" کی تیسری سالگرہ پر ڈی جی آئی ایس پی آر کا کہنا ہے کہ صرف ہتھیار یا تعداد ہی دشمن کے خلاف کامیابی کا تعین نہیں کرتے بلکہ قوم کا عزم اور مسلح افواج کی آپریشنل تیاری حقیقی کامیابی کا تعین کرتی ہے۔
Today marks 3rd anniversary of “Op Swift Retort” when Pakistan Armed Forces gave a befitting response to Indian failed misadventure. Achievements of PAF in shooting down 2 Indian fighter ac, detection of Indian submarine at sea by Pak Navy & resounding response at LOC (1/2)
— DG ISPR (@OfficialDGISPR) February 27, 2022
27 فروری کے حوالے سے ڈی جی آئی ایس پی آر میجر جنرل بابر افتخار کہتے ہیں کہ آج "آپریشن سوئفٹ ریٹورٹ" کی تیسری سالگرہ منائی جا رہی ہے۔ وہ دن جب پاکستانی مسلح افواج نے بھارتی ناکام مہم جوئی کا بھرپور جواب دیا۔
میجر جنرل بابر افتخار نے اپنے ٹویٹ میں کہا کہ پاک فضائیہ نے کامیابی سے 2 بھارتی لڑاکا طیارے مار گرائے اور پاک بحریہ نے سمندر میں بھارتی آبدوز کا سراغ لگایا۔ پاک آرمی نے لائن آف کنٹرول پر شاندار ردعمل دیا۔
ڈی جی آئی ایس پی آر کا کہنا ہے کہ یہ سب مادر وطن کے دفاع کے لیے پاکستانی مسلح افواج کی پیشہ وارانہ مہارت، عزم کا بعین ثبوت ہے۔ صرف ہتھیار یا تعداد ہی دشمن کے خلاف کامیابی کا تعین نہیں کرتے بلکہ قوم کا عزم اور مسلح افواج کی آپریشنل تیاری حقیقی کامیابی کا تعین کرتی ہے۔