امپورٹڈ حکومت مفاد پرستوں کا دوسرا نام ہے، شیخ رشید
اسلام آباد (92 نیوز) - عوامی مسلم لیگ کے سربراہ شیخ رشید احمد نے کہا امپورٹڈ حکومت مفاد پرستوں کا دوسرا نام ہے۔
اتوار کے روز ٹویٹ پر اپنے پیغام میں لکھا کہ امپورٹڈ حکومت کو اپنے کیسز ختم کرانے کی فکر ہے، غریبوں کی نہیں۔ ڈالر بڑھنے اور روپے کی گراوٹ کی بھی انہیں کوئی فکر نہیں۔
پنجاب کے ایک صوبے میں 2 اسمبلیوں کے اجلاس ہورہے ہیں۔پنجاب میں 20 منحرف اراکین کا الیکشن 1 ووٹ کی اکثریتی حکومت کا فیصلہ کرے گی۔حالات جتنے تیزی سے خراب ہورہے ہیں اس پر سپریم کورٹ کو سوموٹو لینا چاہیے، میں آج شام 9 بجے لال حویلی سے اندرونی اور بیرونی سازشوں پر تفصیلی بات کروں گا.
— Sheikh Rashid Ahmed (@ShkhRasheed) June 19, 2022
شیخ رشید نے لکھا کہ عنقریب بجلی کی قیمت میں اضافے کا تیسرا کرنٹ لگے گا، خدا خیر کرے۔ اب آصف زرداری نے پیپلزپارٹی کی کمان سنبھال لی ہے، پنجاب میں ایک اسمبلی کے دو دو اجلاس ہو رہے ہیں، سپریم کورٹ کو نوٹس لینا چاہیے۔
ایک مہینے میں درآمدگی بل سو فیصد بڑھ گیا ہے.سات بلین ڈالرز کے ریزرو،1 بلین کی ترسیلات اور پانچ سو ملین ایکسپورٹ کم ہوگئی ہے۔ڈالر 210 روپے کا ہو گیا ہے۔LNG مہنگی خریدی ہے۔IMF کے معاہدے کے لیے امریکہ کے پاؤں پڑ رہے ہیں۔ووٹ کو عزت دو کا نعرہ اب نواز شریف کی واپسی کا منتظر ہے۔
— Sheikh Rashid Ahmed (@ShkhRasheed) June 19, 2022
سابق وزیرداخلہ نے مزید لکھا کہ ایک مہینے میں درآمدگی بل 100 فیصد بڑھ گیا ہے، 7 بلین ڈالر کے ریزرو، 1 بلین کی ترسیلات اور 500 ملین ایکسپورٹ کم ہوگئی ہے۔ ڈالر 210 روپے کا ہو گیا، ایل این جی مہنگی خریدی ہے۔ آئی ایم ایف کے معاہدے کے لیے امریکا کے پاؤں پڑ رہے ہیں۔ ووٹ کو عزت دو کا نعرہ اب نواز شریف کی واپسی کا منتظر ہے۔
