چین سے کورونا ویکسین کی مزید 15 لاکھ ڈوزز پاکستان پہنچ گئیں
اسلام آباد (92 نیوز) چین سے کورونا ویکسین کی مزید 15 لاکھ ڈوزز پاکستان پہنچ گئیں۔ پی آئی اے کی خصوصی پرواز سائنو ویک کی ڈیڑھ ملین ڈوزز لیکر اسلام آباد پہنچی۔
این سی او سی حکام کا کہنا ہے کہ پی آئی اے کا خصوصی طیارہ چائنہ سے مزید 15 لاکھ 50 ہزار سائنو ویک کی ڈوزز لیکر پہنچ گیا ہے۔ ویکسین چین سے خریدی گئی ہے۔ ویکسین کی ترسیل جاری رکھنے کے لئے 20 سے 30 لاکھ مزید ڈوزز اگلے ہفتے پہنچ جائیں گئی۔
ترجمان این سی او سی کا کہنا ہے کہ ویکسین فیڈرل یونٹس کو انکی ضرورت کے مطابق فراہم کی جائے گی۔ چین پاکستان کا دوست ہے۔ چین نے پاکستان میں ویکیسن کی بلا تعطل فراہمی کو یقینی بنانے کے لیے خصوصی اقدامات کیے ہیں۔
وفاقی وزیر اسد عمر نے اپنے ٹویٹ میں کہا ہے کہ 12 سے 18 جون تک 23 لاکھ افراد کو ویکسینیشن ہو چکی ہے ۔ آئندہ 10 دن میں 50 لاکھ ویکیسین پاکستان آجائے گی۔ گزشتہ ہفتے 1 دن میں 3 لاکھ 32 ہزار 877 افراد کی ویکسینیشن کی گئی ۔ یہ کسی بھی ہفتے میں سب سے زیادہ ویکیسینشین لگائی گئی ہے۔
Last week jun
12-18, more than 23 lakh vaccinations were done at a rate of 332,877 per
day. This is the highest so far in any week. With 1.5 million vaccines
arriving today and another almost 5 million in next 10 days, inshallah
next week will be a new record. Well done Pakistan
دوسری جانب حکومت اور فائزر بائیو این ٹیک میں پاکستان کو ایم آر این اے ویکسین فراہمی کا معاہدہ طے پا گیا۔ امریکی فارماسیوٹیکل کمپنی اس سال پاکستان کو ایک کروڑ تیس لاکھ ڈوزز فراہم کرے گی۔ فائزر بائیو این ٹیک جولائی میں پاکستان کو دس لاکھ خوراکیں فراہم کرے گی۔ پاکستان اس سال روسی ویکسین اسپوٹنک کی بھی ایک کروڑ ڈوزز خریدے گا۔ روسی ویکسین اسپوٹنک وی کی پہلی کھیپ جون کے آخر یا جولائی کے پہلے ہفتے میں پاکستان پہنچ جائے گی۔