فاٹا کی مشہور ڈش پٹے تکے کارخانو مارکیٹ کی پہچان
پشاور (92 نیوز) فاٹا کی مشہور ڈش پٹے تکے کارخانو مارکیٹ کی پہچان بن گئی ۔
خیبر پختونخوا کی طرح قبائلی علاقوں کے لذیذ کھانے پشاور ہی نہیں ہر جگہ مقبول ہیں ۔ ان میں ایک پٹے تکے بھی ہیں جسے کھانے لوگ دور دراز سے فاٹا اور خیبر پختونخوا کے سنگم پر واقع کارخانو بازار کا رخ ضرور کرتے ہیں ۔
چربی میں لیپٹے چھوٹے گوشت کی کلیجی کو دہکتے کوئلوں پر بھنا جاتا ہے تو اس کی خوشبو سے بھوک کی اشتہا بڑھ جاتی ہے ۔
ان تکوں کو نمک لگا کر چربی میں لپیٹ کوئلوں پر روائتی انداز میں پکایا جاتا ہے تو اس کے ذائقے کا کوئی ثانی نہیں ہوتا ۔
تاریخی باب خیبر سے تھوڑے ہی فاصلے پر قبائلی علاقے لنڈی کوتل کی یہ روایتی ڈش سب کی توجہ کا مرکز ہوتا ہے۔