سیاسی رہنماؤں اور قانونی ماہرین نے الیکشن کمیشن کا فیصلہ درست قرار دیدیا

اسلام آباد ( 92 نیو ز) الیکشن کمیشن کا فیصلہ سیاسی رہنماؤں اورقانونی ماہرین نے درست قرار دے دیا  ،  ن لیگی اُمیدوار اب آزاد حیثیت سے ہی الیکشن میں حصہ لے سکتے ہیں ۔

 ن لیگ  سیاسی جماعت کی حیثیت سے سینیٹ کے الیکشن سے آؤٹ ہو گئی ۔ پی ٹی آئی کے رہنما نعیم الحق نے 92 نیوز سے بات کرتے ہوئے کہا کہ چونکہ الیکشن کا شیڈول جاری کیا جا چکا تھا لہٰذا یہی آسان رستہ تھا ۔

بیرسٹر فروغ نسیم نے فیصلے پر ردعمل دیتے ہوئے کہا کہ چونکہ شیڈول آ چکا تھا ،لہٰذا انتخات بروقت ممکن بنانے کے لئے فیصلہ کیا گیا ۔

سابق سیکرٹری الیکشن کمیشن کنور دلشاد کا کہنا ہے الیکشن کمیشن نے درست فیصلہ دیا  اور سینیٹ کے الیکشن کو بروقت بنانے کی کوشش کی ۔

کچھ بھی ہو الیکشن کمیشن کے فیصلے سے ن لیگ کو بڑا دھچکا لگا  اور اس کی مشکلات میں بھی اضافہ ہو گیا ہے  ، تاہم ن لیگ کیا حکمت عملی اپناتی ہے فیصلہ وقت کرے گا۔