انوکھا اسپتال جہاں مریضوں کو چکن ، بیف ، مٹن ، مچھلی ، بادام کھلائے گئے
کراچی ( 92 نیوز) کراچی کا انوکھا اسپتال جہاں مریضوں کو چکن ، بیف ،مٹن ، مچھلی اور بادام کھلائے گئے ، محکمہ اینٹی کرپشن نے رپورٹ کے بعد انکوائری شروع کر دی ۔
کراچی اک انوکھا اسپتال اس وقت سامنے آیا جب اسپتال انتظامیہ کی جانب سے مریضوں کو بادام ، مٹن ، مچھلی ، بیف اور چکن کھلانے کا دعویٰ کیا گیا، گورنمنٹ اسپتال لیاقت آباد کی انتظامیہ کے مطابق مریضوں کو 1100 کلو چکن ،1200 کلو مچھلی ، 700 کلو مٹن اور 700 کلو بیف دیا ، اور تو اور 500 کلو گرام بادام کھلا کر بھی مریضوں کی واضع کی گئی ۔
رپورٹ سامنے آنے کے بعد محکمہ اینٹی کرپشن کی بھی آنکھیں کھلی کی کھلی رہ گئیں جس کے ساتھ ہی ڈائٹ پروگرام ، دوائیوں اور دیگر اخراجات کی تفصیل مانگ لی ۔
بھاری بھرکم کھانے کے ساتھ اسپتال کے زیر استعمال گاڑیوں کیلئے روزانہ 300 لیٹر پٹرول استعمال کرنے کا بھی انکشاف ہوا ہے ۔ محکمہ اینٹی کرپشن نے افسران کیساتھ ٹھیکیداروں سے بھی مکمل ریکارڈ طلب کرلیا ہے ۔