انتخابی اصلاحات کے نام پر قوانین میں تبدیلیاں، 19 اقرار نامے حذف
اسلام آباد ( 92 نیوز ) انتخابی اصلاحات کےنام پر قوانین میں نئی تبدیلیاں کر دی گئیں جب کہ نامزدگی فارمزسے 19 اقرارنامےنکال دئیے گئے ۔
اب ٹیکس چور اور دوہری شہریت رکھنے والے بھی پارلیمنٹ جا سکیں گے جبکہ جرائم پیشہ افراد بھی الیکشن لڑ سکیں گے ۔
کاغذات نامزدگی سےامیدواروں کے ٹیکس ریکارڈ ، پیشے،تعلیم، کا اقرار نامہ بھی حذف کر دیا گیا ، امیدواروں کی شہریت،جائیداد،آمدن اورمقدمات کی تفصیلات بھی حذف کر دی گئی ۔
نئےقوانین میں امیدوارصرف ایک سال کا پراپرٹی اور آمدن ریکارڈ فراہم کرنے کا پابند ہوگا ، قوانین میں حیران کن تبدیلیوں پر کسی جماعت نے اعتراض نہ اٹھایا ۔