افغان طالبان کا زرنج اور شبر غان کے بعد قندوز پر بھی قبضے کا دعویٰ
کابل (92 نیوز) افغان طالبان کا زرنج اور شبر غان کے بعد قندوز پر بھی قبضے کا دعویٰ کردیا۔
خبر ایجنسی کے مطابق، طالبان نے قندوزکی اہم تنصیبات کا کنٹرول سنبھال لیا، صوبہ سرائے پل کے مرکز میں طالبان کی افغان فورسز سے شدید لڑائی جاری ہے۔
جنگی طیاروں کی بمباری سے شہر میں مکمل افراتفری کا عالم ہے۔
افغان طالبان نے نمروز کے دارالحکومت زرنج پر جمعے کی سہ پہر کو قبضہ کیا تھا۔ زرنج کسی صوبے کا پہلا دارالحکومت ہے جس پر طالبان قابض ہوئے تھے۔
صوبہ نمروز کا دارالحکومت زرنج ایرانی سرحد کے قریب واقع اہم تجارتی شہر ہے۔