اسپائیڈرمین فارفرام ہوم نے باکس آفس پر قبضہ کرلیا
لاس اینجلس ( 92 نیوز) مکڑی کے جال نے بڑی سکرین کو جکڑ لیا ، اسپائیڈرمین فارفرام ہوم ریلیز ہوتے امریکی باکس آفس پر پہلے نمبر پر آگئی، کامک مووی نے صرف تین روز میں نو کروڑ چھتیس لاکھ ڈالر کمائے ہیں۔
نٹ کھٹ کھلونوں کی شرارتیں جاری ہیں، اینی میٹڈ فلم ٹوائے سٹوری نے امریکی باکس آفس پر دوسری نشست سنبھال لی ہے ، جس نے گذشتہ ہفتے مزید تین کروڑ تنتالیس لاکھ ڈالر سمیٹے ہیں۔
میوزیکل مووی یسٹر ڈے بھی اپنا جادو جگانے میں تاحال کامیاب ہے، جو گزشتہ ہفتے مزید ایک کروڑ آٹھ لاکھ ڈالر کا بزنس کرکے تیسرے نمبر پر براجمان ہے۔
خونی گڑیا بھی بڑی سکرین پر اپنے پنجے گاڑے ہوئے ہے، ہارر مووی اینابیل کمز ہوم مزید نو کروڑ آٹھ لاکھ ڈالر کر چوتھے نمبر پر آگئی ہے۔