یکم دسمبر سے پٹرولیم مصنوعات کی قیمتوں میں 2 روپے 50 پیسے فی لیٹر اضافے کا امکان
ذرائع کے مطابق اوگرا نے یکم دسمبرسے 15 روز کیلئے پٹرولیم مصنوعات کی قیمتوں کی سمری پٹرولیم ڈویژن کوارسال کردی۔
پٹرول اور ڈیزل 2 روپے 50 پیسے فی لیٹرمہنگا ہوسکتا ہے۔ نومبر کے وسط کی بعد عالمی مارکیٹ میں خام تیل کی قیمت میں اضافے کا رجحان ہے۔
وفاقی حکومت پٹرولیم لیوی میں کمی سے پٹرول اور ڈیزل کی قیمت برقرار بھی رکھ سکتی ہے۔ حکومت فی لیٹر پٹرول، ڈیزل پر 30، 30 روپے پٹرولیم لیوی وصول کررہی ہے۔
پٹرولیم مصنوعات کی قیمتوں کا حتمی فیصلہ وزارت خزانہ وزیراعظم کی مشاورت سے کرے گی۔