یوٹیلٹی اسٹورز کی اشیائے ضروریہ کم نرخوں پر فروخت نہ ہونے پر وزیراعظم کا نوٹس
اسلام آباد (92 نیوز) یوٹیلٹی اسٹورز کو 10 ارب روپے کی سبسڈی کے باوجود اشیائے ضروریہ کم نرخوں پر فروخت نہ ہونے پر وزیراعظم نے نوٹس لے لیا۔
معاون خصوصی اطلاعات فردوس عاشق اعوان نے ٹویٹ میں کہا یوٹیلٹی سٹورز کو چینی 68 روپے فی کلو جبکہ گھی 170 روپے کلو فروخت کرنے کی ہدایت کی گئی ہے۔ یوٹیلٹی سٹورز پر 20 کلو گرام کے آٹے کا تھیلا 800 روپے جبکہ دالیں اور چاول مارکیٹ کے مقابلے میں 15 سے 20 روپے سستے دستیاب ہونگے۔
ڈاکٹر فردوس عاشق اعوان نے کہا چاول اور دالیں مارکیٹ ریٹ سے 10 سے 25 فیصد سستی دستیاب ہونگی۔ وزیراعظم عوام کا احساس اور درد رکھتے ہیں ۔ عوام کو ریلیف دینا اور ان کی زندگیوں میں آسانیاں لانا عمران خان کی حکومت کا اولین ایجنڈا ہے۔ اشیاء ضروریہ کی قیمتوں میں استحکام ، ان کے معیار کی بہتری اور بروقت فراہمی کو ہرصورت یقینی بنایا جائے گا۔10ارب روپے کی سبسڈی کے باوجود یوٹیلٹی سٹورز کارپوریشن کا اشیاءضروریہ کو کم نرخوں پر فروخت نہ کرنے پر وزیراعظم عمران خان کا نوٹس یوٹیلٹی سٹورز کو چینی 68روپے فی کلو جبکہ گھی 170روپے کلو فروخت کرنے کی ہدایت۔ 2/1 — Dr. Firdous Ashiq Awan (@Dr_FirdousPTI) February 12, 2020