یوٹیلٹی اسٹورز پر پانچ اشیائے ضروریہ کی قیمتوں پر سبسڈی 30 جون تک جاری رکھنے کی منظوری
اسلام آباد (92 نیوز) یوٹیلٹی اسٹورز پر وزیر اعظم ریلیف میں شامل پانچ اشیائے ضروریہ کی قیمتوں پر سبسڈی 30 جون تک جاری رکھنے کی منظوری دے دی گئی ۔
وزیر خزانہ عبدالحفیظ شیخ کی زیر صدارت اقتصادی رابطہ کمیٹی کا اجلاس ہوا جس میں یوٹیلٹی اسٹورز پر وزیر اعظم ریلیف میں شامل پانچ اشیائے ضروریہ کی قیمتوں پر سبسڈی 30 جون تک جاری رکھنے کی منظوری دے دی گئی ۔
اجلاس میں یوٹیلیٹی اسٹورز پر اشیائے ضروریہ کی مارکیٹ سے قیمتوں میں فرق پر آئندہ اجلاس میں تجاویز طلب کی گئیں ، آئل مارکیٹنگ کمپنیوں اور ڈیلرز کے منافع کا جائزہ پائیڈ کی اسٹڈی تک مؤخر کی گئی ۔
اجلاس میں زائرین کے لئے مینجمنٹ پالیسی کی منظوری دی گئی ۔