یوم یکجہتی کشمیر، کوئٹہ کینٹ میں خواتین کرکٹ میچ کا اہتمام

کوئٹہ (92 نیوز) یوم یکجہتی کشمیر کے حوالے سے کوئٹہ کینٹ میں خواتین کرکٹ میچ کا اہتمام کیا گیا، جس میں چیف منسٹر الیون اور ایڈوائزر اسپورٹس الیون کی ٹیمیں مد مقابل تھیں۔

محکمہ کھیل بلوچستان کے زیر اہتمام یوم یکجہتی کشمیرکی مناسبت سے چیف منسٹر الیون اور ایڈوائرز اسپورٹس الیون کی ٹیمیں مدمقابل تھیں۔

چیف منسٹر الیون نے ٹاس جیت کر پہلے کھیلنے کا فیصلہ کیا اور مخالف ٹیم کو 137رنز کا ہدف دیا، جسے ایڈوائز ر اسپورٹس الیون پورا نہ کرسکی اور 102رنز بنا کر ہی آوٹ ہوگئی۔

صوبائی مشیر کھیل عبدالخالق ہزارہ بھی اس موقعے پر موجود تھے، جن کا کہنا تھا کہ یوم یکجہتی کشمیر کی مناسبت کھیلوں کا انعقاد کیا گیا۔

میچ کے اختتام پر مہمان خصوصی نے کھلاڑیوں میں انعامات بھی تقسیم کئے۔