یوم پاکستان پریڈ میں ترکی اور چین کے طیاروں کا بھی ائیر پاسٹ
اسلام آباد (92 نیوز) یوم پاکستان کی پریڈ میں برادرز ممالک چین اور ترکی کے طیاروں نے بھی ائیر پاسٹ کا مظاہرہ کیا۔
یوم پاکستان پریڈ پر ترکی کے ایک ہی جہاز نے حصہ لیا ، اسلام آباد کی فضاؤں میں گرجتے جہاز کو پائلٹ نے اس مہارت سے اڑایا کہ دیکھنے والے داد دیے بغیر نہ رہ سکے ۔
ترک پائلٹ نے کمال مہارت سے جہاز کو فضا میں متعدد قلابازیاں دیکر مسلسل جہاز کو گھمایا جس پر حاضرین نے بھی دل کھول کر داد دی جب کہ مائیک پر برادر ملک ترکی کی صلاحیتوں کا دل کھول کر اعتراف کیا جاتا رہا۔
چین کے جہازوں کا مظاہرہ
یوم پاکستان پر چین کی فضائیہ نے بھی اپنی صلاحیتوں کے مظہر دکھائے ۔ چین کے جہاز وفاقی دارالحکومت کی فضاؤں میں بلند ہوئے تو آسمان قوس و قزح کے مناظر پیش کرتا رہا۔
چین کے جہاز کئی منٹ تک فضا میں حاضرین سے داد وصول کرتے رہے ۔