یومِ پاکستان پر واہگہ بارڈر پر پرچم اتارنے کی تقریب کا مظاہرہ
لاہور (92 نیوز) یومِ پاکستان پر واہگہ بارڈر پر پرچم اتارنے کی تقریب کا نہایت شاندار مظاہرہ کیا گیا۔ رینجرز کے چاق و چوبند جوانوں کی پریڈ بڑی جاندار رہی۔
پاکستان زندہ باد کے نعرے ، یہ وہ بلند آہنگ نعرے ہیں جو دشمن کے سینے پر توپ کے گولے کی طرح لگتے ہیں۔ یہ نعرے کسی عام دن پرنہیں بلکہ یوم پاکستان پر واہگہ بارڈر پر پرچم اتارنے کی پروقار تقریب کے دوران لگائے گئے۔
پریڈ شروع ہوئی اور کاشن کے ساتھ رینجرز کے جوانوں کے قدم زمین پر پڑے تو اُن کی گونج میں تالیوں اور نعروں کی آوازیں بھی شامل ہو گئیں۔
سرخ وسفید یونیفام میں ملبوس جوانوں کی فارمیشن اور ہتھیاروں کو ایک تنظیم کیساتھ انگلیوں پرگھمانےکی مہارت نے ماحول کو چار چاند لگا دیئے۔ شہریوں کا کہنا تھا وہ وطن سے محبت کے جذبے سے سرشار ہیں۔
یوں تو واہگہ پر پرچم اتارنےکی تقریب روزانہ منعقد ہوتی ہے تاہم یومِ پاکستان پر وطن کی محبت کے الگ ہی رنگ نظر آئے۔
