یوسف ٹھیلے والا سے متعلق پولیس رپورٹ کو وزیر اعلیٰ سندھ نے مسترد کردیا
کراچی ( 92 نیوز) وزیر اعلیٰ سندھ سید مراد علی شاہ نے مبینہ ٹارگٹ کلر یوسف ٹھیلے والا کے ملاقات سے متعلق بیان پر پولیس رپورٹ مسترد کر دی ، کہا کہ رپورٹ مبہم اور غیر واضح ہے ، میرے خلاف ویڈیو بیان ریکارڈ کرانے والے کو جانتے ہیں ۔
مبینہ ٹارگٹ کلر یوسف ٹھیلے والا کے وزیراعلیٰ سندھ سےملاقات سے متعلق بیان پر آئی جی سندھ پولیس ڈاکٹر کلیم امام اوردیگراعلیٰ افسران آج دوبارہ وزیراعلی ہاؤس پہنچے ، پولیس حکام نے مبینہ ٹارگٹ کلر کے وزیر اعلیٰ سےمتعلق ویڈیو بیان پر انکوائری سےآگاہ کیا۔
مراد علی شاہ نےپولیس انکوائری رپورٹ مستردکردی اوررپورٹ کو ناکافی قراردے دیا ، انہوں نے کہاکہ انکوائری رپورٹ مبہم غیر واضح ہے ، معاملے کی اصل تہہ تک پہنچ گیا ہوں۔
وزیراعلی سندھ نےکہاکہ مبینہ ٹارگٹ کلر کی ملاقات کا بیان سازش کےتحت ریکارڈ کیاگیا ، ویڈیوبیان ریکارڈ کرنےاور کرانے والےکوجانتےہیں۔
وزیراعلی مرادعلی شاہ نے آئی جی سےاس معاملےسےجڑے دیگر کرداروں کےمتعلق بھی دریافت کیا۔