یورپی یونین کورونا وائرس پر قابو پانے کیلئے ایران کو 20 ملین یورو دے گی
برسلز (92 نیوز) یورپی یونین نے کورونا وائرس پر قابو پانے کیلئے ایران کی امداد کا اعلان کر دیا۔ یورپی یونین ایران کو 20 ملین یورو دے گی۔
غیرملکی خبر رساں ادارے کے مطابق یورپی یونین کے وزرا خارجہ نے ویڈیو کانفرنس پر ایران میں کورنا وائرس کی تباہیوں سے پیدا ہونے والی صورتحال پر تبادلہ خیال کیا۔
کانفرنس کے بعد یورپی یونین کے فارن پالیسی چیف جوزف بوریل کا کہنا تھا کہ اگرچہ موجودہ حالات کے پیش نظر ہم زیادہ امداد دینے کی پوزیشن میں نہیں ہیں لیکن پھر بھی ایران کو 2 کروڑ یورو انسانی بنیاد پر امداد دی جائے گی جو اگلے کچھ ہفتوں میں ایران کو فراہم کر دی جائے گی۔
انہوں نے مزید کہا کہ یورپی یونین ایران کی آئی ایم ایف سے مالی امداد کی درخواست کی بھی حمایت کرے گی۔