یواین کے چار اہلکار فحش مواد ایک دوسرے کو بھیجنے پر نوکری سے فارغ

 نیویارک(ویب ڈیسک)اقوام متحدہ کے چار اہلکاروں کو  بچوں سے متعلق فحش مواد ایک دوسرے کو بھیجنے کے الزام میں نوکری سے فارغ کردیا گیا۔ تفصیلات کےمطابق اقوام متحدہ کی داخلہ رپورٹ کے مطابق ان ملازمین کو سرکاری ای میل اکاؤنٹس سے بچوں سے متعلقہ فحش مواد بھیجنے پر برخاست کیا گیا ہے ،اس رپورٹ کے مطابق یکم جولائی دوہزار چودہ سے تیس جون دوہزار پندرہ تک ایسے پانچ واقعات ہوئے، بچوں سے متعلق  ایسا مواد رکھنے پر ان چاروں اہلکاروں کو   رابطہ کاری کے لیے ٹیکنالوجی کے ناجائز استعمال‘ کے تحت فارغ کیا گیا ہے۔ جبکہ اقوام متحدہ ہی کے ایک اہلکار کو سرکاری گاڑی میں منشیات لے جانے کے الزام میں بھی نوکری سے نکال دیا گیا ہے۔