ہنجروال سے بچیوں کے اغوا کا کیس ، چاروں بچیوں نے اپنے بیانات قلمبند کرا دئیے

لاہور (92 نیوز) لاہور کے علاقہ ہنجروال سے 4 بچیوں کے اغوا کے کیس میں چاروں بچیوں نے اپنے بیانات قلمبند کرا دئیے۔

ہنجروال سے اغوا ہونے والی چار بچیوں کےکیس میں اہم پیش رفت بھی ہو گئی۔ میڈیکل رپورٹ ڈسٹرکٹ کورٹ میں پیش کر دی گئی۔ میڈیکل رپورٹ میں بچیوں کے ساتھ زیادتی ثابت نہیں ہوئی۔ بچیوں نے اپنے بیانات قلمبند کروا دئیے۔ بچیوں نے خواہش ظاہر کی کہ ہم اپنے والدین کے ساتھ جانا چاہتی ہیں۔ عدالت نے بچیوں کو والدین کے ساتھ جانے کی اجازت دے دی۔

اسپیشل کوآرڈینیٹر ٹو وزیراعلٰی  پنجاب، چیئرپرسن چائلڈ پروٹیکشن بیورو سارہ احمد نے جناح اسپتال سے بچیوں کو چائلڈ پروٹیکشن بیورو منتقل کروایا تھا۔ ساہیوال پولیس نے بچیوں کو بازیاب کروا کر لاہور پولیس کے حوالے کیا تھا۔