ہمیں یقین ہے عمران خان ذمہ داروں کو کٹہرے میں لائینگے، سری لنکن وزیراعظم

کولمبو (92 نیوز) سری لنکن وزیراعظم مہندا راجا پاکسے نے کہا سری لنکا اور عوام کو یقین ہے عمران خان ذمہ داروں کو کٹہرے میں لائیں گے۔

سیالکوٹ کی فیکٹری میں سری لنکن منیجر پر ہجوم کے بیہمانہ تشدد اور قتل پر سری لنکن حکومت نے واقعے کی مذمت کی ہے۔

Shocking to see the brutal and fatal attack on Priyantha Diyawadana by extremist mobs in #Pakistan. My heart goes out to his wife and family. #SriLanka and her people are confident that PM @ImranKhanPTI will keep to his commitment to bring all those involved to justice.

— Mahinda Rajapaksa (@PresRajapaksa) December 4, 2021

سری لنکن وزیر اعظم مہندا راجا پاکسے نے ٹوئٹر پر اپنے بیان میں کہا کہ پریانتھا پر انتہاء پسند ہجوم کی وحشیانہ بربریت اور جان لیوا حملے پر صدمہ ہوا۔ کہا کہ میرا دل، جزبات پریانتھا کی اہلیہ اور خاندان کے ساتھ ہیں۔

مہندرا راجا پاکسے نے کہا کہ وزیراعظم پاکستان عمران خان نے واقعے میں ملوث عناصر کو انصاف کے کٹہرے میں لانے کا عزم ظاہر کیا ہے۔ سری لنکا کو وزیراعظم عمران خان پر اعتماد ہے کہ وہ اپنا وعدہ پورا کریں گے۔

کل ہونے والا واقعہ ہر پاکستانی کے لئے انتہائی تکلیف اور غم کی وجہ ہے۔وزیراعظم عمران خان اس سارے واقعے کی لگاتار ڈائیریکٹ آپ ڈیٹ لے رہے ہیں۔ وزیراعلی پنجاب اور آئی جی پنجاب شاباش کے مستحق ہیں کے اس سارے واقعے میں ملوث تقریباً تمام مرکزی ملزمان صبح 4 بجے گرفتار ہو چکے ہیں-

— Dr. Shahbaz GiLL (@SHABAZGIL) December 4, 2021

معاون خصوصی ڈاکٹر شہباز گل نے کہا کہ ‏کل ہونے والا واقعہ ہر پاکستانی کے لئے انتہائی تکلیف اور غم کی وجہ ہے۔ وزیراعظم عمران خان اس سارے واقعے کی براہراست مانیٹر کر رہے ہیں۔ واقعے میں ملوث تقریباً تمام مرکزی ملزمان گرفتار کئے جاچکے ہیں۔