ہماری کچھ نشستیں زبردستی تحریک انصاف کو دلوائی گئیں ، فاروق ستار
کراچی ( 92 نیوز) ایم کیو ایم رہنما فاروق ستار دبئی سے واپس آ گئے اور گورنر ہاوس میں نیا پنڈورا باکس کھول دیا ، فاروق ستار کا کہنا ہے کہ ہماری کچھ نشستیں زبردستی تحریک انصاف کو دلوائی گئیں، دھاندلی ہوئی ہے، جیسے بھی ہوئی، جس نے بھی کی ۔
ایک طرف تو ایم کیو ایم پاکستان وفاق میں پاکستان تحریک انصاف کی اتحادی جماعت ہے دوسری جانب دھاندلی کا رونا بھی رو رہی ہے ، فاروق ستار دبئی سے واپس وطن پہنچے اور انکھا بیان داغ کر سب کو حیران کر دیا ، فاروق ستارکاکہنا ہے کہ دھاندلی ہوئی ہے، جیسے بھی ہوئی، جس نے بھی کی مگر ہم جمہوری طور پر لڑیں گے ۔
فاروق ستار نے مزید کہا کہ کراچی اور ملک کی خاطر ایک ساتھ چلیں گے۔