ہالی ووڈ اسٹار جارج کلونی اہلیہ کے ہمراہ جاپان پہنچ گئے، فلم ٹومارو لینڈ کی پروموشن کے لیے ریڈ کارپٹ پر جلوے
ٹوکیو (ویب ڈیسک) ہالی ووڈ اسٹار جارج کلونی اہلیہ کے ہمراہ جاپان پہنچ گئے۔ دونوں نے نئی فلم ٹومارو لینڈ کی پروموشن کے لیے ریڈ کارپٹ پر جلوے بکھیرے۔
ٹوکیو میں ہونے والی تقریب میں مداحوں کی بڑی تعداد جارج کلونی کی ایک جھلک دیکھنے کے لیے امڈ آئی۔ ٹومارولینڈ امریکی باکس آفس پر اب تک سب سے زیادہ بزنس کرنے والی فلم ہے اور امکان ہے کہ یہ فلم سمر باکس آفس کی ہٹ مووی ثابت ہو گی۔
جاپان میں فلم ٹومارو لینڈ تمام سینما گھروں میں چھے جون کو پیش کی جائے گی جس کا جاپانی مداحوں کو بے چینی کے ساتھ انتظار تھا۔ ٹومارو لینڈ نے امریکی سینما گھروں میں ریکارڈ توڑ بزنس کے ساتھ دھوم مچا رکھی ہے۔