گیارھویں عالمی اُردو کانفرنس آج سے کراچی میں شروع ہو گی

کراچی (92 نیوز) کراچی آرٹس کونسل آف پاکستان کے زیر اہتمام گیارھویں عالمی اُردو کانفرنس کا آغاز  آج (۲۲ نومبر) سے ہوگا، کانفرنس میں دنیا بھر سے مندوبین شرکت کریں گے۔ جس میں امریکہ ،کینیڈا، ترکی ،جرمنی ،ایران اور بھارت سمیت  دنیا بھر سے ادبی شخصیات شرکت کریں گی۔ ادب کے اس گلدستےکے پہلے روز نامور شاعر جون ایلیا کو خراج تحسین پیش کیا جائے گا۔ جبکہ معروف ڈرامہ نگار انور مقصود جنت سے ان کے نام لکھا گیا جون ایلیا کا ایک خط پڑھیں گے۔ عالمی اُردو کانفرنس چار روز تک جاری رہے گی۔