گھوٹکی آپریشن میں اہم کامیابی ، ڈاکوؤں کے ٹھکانے تباہ ، 12پولیس چوکیاں قائم کچے کے علاقے کو کلیئر قرار دے دیا گیا
گھوٹکی(92نیوز) گھوٹکی کے کچے کے علاقے میں جاری آپریشن میں رینجرز اور پولیس نے ڈاکوؤں کے اہم ٹھکانوں پر کنٹرول حاصل کر کے آگ لگا دی،کچے کے تمام علاقے کو کلیئر قرار دے دیا گیا جبکہ بارہ چوکیاں قائم کر دی گئیں۔
ایس ایس پی ناصر آفتاب کے مطابق ڈاکوؤں کے خلاف پولیس اور رینجرز کی دن رات کی کارروائیوں سے اہم کامیابیاں ملی ہیں۔
انہوں نے بتایا کہ ڈاکو گڈو شر کی پناہ گاہ کو بھی تباہ کر کے یہاں پولیس چوکی قائم کر دی گئی ہے۔
آپریشن کے دوران مقابلے میں مارے جانے والے ڈاکوؤں کی قبریں بھی ملی ہیں۔
