گڑھی خدا بخش، بینظیر بھٹو کی 10ویں برسی آج منائی جا رہی ہے

گڑھی خدا بخش ( 92 نیوز ) گڑھی خدا بخش میں بے نظیر بھٹو کی دسویں برسی کے اجتماع کی تیاریاں جاری ہیں ۔  پیپلزپارٹی کی مرکزی مجلس عاملہ کا اجلاس ہوا جس میں سینئر رہنماؤں نے پارٹی کو دھرنا سیاست سے دور رہنے کا مشورہ  دیا ۔ جنوبی اور وسطی پنجاب میں سرکردہ سیاستدانوں سے رابطےکا فیصلہ بھی کیا گیا۔

قائم علی شاہ نے کہاکہ 27 دسمبر پاکستان کی تاریخ کا سیاہ دن ہے ۔ آزاد کشمیر گلگت سمیت چاروں صوبوں سے آئے جیالے رہنماوں نے بھی مزار پر حاضری دی ۔ سبھی کا یقین اور عزم تھا کہ جمہوریت کی جدوجہد جاری رہے گی  ۔

سندھ کے وڈے سائیں نے مصطفی کمال اور انکی پارٹی کو سنجیدہ لیا نہ زیادہ تبصرہ کیا  مگر دعوی کیاکہ اگلے الیکشن میں ہماری کامیابی یقینی ہے ۔

بے نظیربھٹو کے پرانے قریبی ڈاکٹر صفدرعباسی اور ناہید خان نے بھی مزار پر فاتحہ خوانی کی ۔

پیپلز پارٹی کی مرکزی مجلس عاملہ کا اجلاس بھی نوڈیرو ہاؤس میں  ہوا ۔  اجلاس میں ملک کی  مجموعی سیاسی  صورتحال اور آئندہ کی حکمت پر بھی تفصیلی غور کیا گیا ۔