گڑگاؤں میں انتظامیہ نے آٹھ مقامات پر مسلمانوں کا نماز جمعہ کی ادائیگی کا اجازت نامہ منسوخ کر دیا
نئی دہلی (92 نیوز) بھارتی ریاست ہریانہ کے گڑگاؤں میں ضلعی انتظامیہ کا ایک اور مسلم مخالف فیصلہ سامنے آ گیا۔
بھارتی ریاست ہریانہ کے گڑگاﺅں میں ضلعی انتظامیہ ہندوتوا دباو کے سامنے جھک گئی۔ کشمیر میڈیا سروس کے مطابق گڑگاﺅں میں 37 نامزد مقامات میں سے آٹھ مقامات پر مسلمانوں کو نماز جمعہ کی ادائیگی کی اجازت منسوخ کر دی۔
منسوخی مقامی رہائشیوں اور ریزیڈنٹ ویلفیئرایسوسی ایشنز کے اعتراض پر کی گئی۔ اجازت منسوخ مقامات میں بنگالی بستی سیکٹر 49، وی بلاک ڈی ایل ایف فیز3، سورت نگر شامل ہیں۔