گوگل نے بجلی سے چلنے والی غبارے سے مشابہ بغیر ڈرائیور چلنے والی نئی کار بنا دی

واشنگٹن (ویب ڈیسک) گوگل کی بغیر ڈرائیور کے چلنے والی نئی کار سڑکوں پر آ گئی ہے، بجلی سے چلنے والی اس کار کی شکل ایک غبارے سے مشابہ ہے۔ گوگل کمپنی نے بغیر اسٹیرنگ، ریس اور بریک کے خودکار گاڑی تیار کرنے کا دعویٰ ایک سال قبل کیا تھا جسے وہ پورا نہ کر سکی۔ اس کار میں اسٹیئرنگ، ریس اور بریک لگی ہوئی ہیں۔ دو سیٹوں پر مشتمل یہ گاڑی اپنے اندر نصب شدہ سافٹ ویئر کی مدد سے چلتی ہے اور اس میں کسی ڈرائیور کی ضرورت نہیں ہوتی۔ اس نئی گاڑی کی ابتدائی طور پر رفتار چالیس کلومیٹر فی گھنٹہ ہے، بغیر ڈرائیور کے چلنے والی کار کا رواں موسم گرما میں پبلک روڈز پر ٹیسٹنگ کا آغاز کیا جائے گا۔