گلگت اسکردو روڈ لینڈ سلائیڈنگ کےباعث بند، سینکڑوں گاڑیاں پھنس گئیں
گلگت ( 92 نیوز) گلگت اسکردو روڈ لینڈ سلائیڈنگ کے باعث بند ہوگیا جس کے باعث سینکڑوں گاڑیاں پھنس گئیں ۔
لینڈ سلائیڈنگ کی وجہ سے گلگت اسکردو روڈ ہر قسم کی ٹریفک کے لئے بند ہو گئی ، انتظامیہ کی جانب سے سڑک کھولنے کے لئے کارروائیاں جاری ہیں ۔
سڑک بند ہونے سے سینکڑوں گاڑیان پھنس گئیں جب کہ ہزاروں مسافر گاڑیوں میں محصور ہو کر رہ گئے ہیں ۔
دوسری جانب صوابی کی یو سی سوڈھیر سلو میں مکان کی چھت گر گئی ، حادثے میں 2 خواتین سمیت 4 افراد جاں بحق ہو گئے ۔
صوابی کی یو سی سو ڈھیر میں مکان کی چھت اچانک گر گئی ، ملبے تلے دب کر چار افراد جاں بحق ہوئے جن میں دو خواتین بھی شامل ہیں ۔
حادثے میں دو افراد زخمی بھی ہوئے جنہیں طبی امداد کے لئے اسپتال منتقل کر دیا گیا۔