گلوکارہ ریشماں مرحومہ کے صاحبزادے گلوکار ساون علی انتقال کر گئے
لاہور ( 92 نیوز) گلوکارہ ریشماں مرحومہ کے صاحبزادے گلوکار ساون علی انتقال کر گئے ، مرحوم کی عمر 50 برس تھی ۔
ساؤن ریشماں محکمہ سوئی گیس میں ملازم بھی تھے ، ساون ریشماں پی ٹی وی اور نجی پروڈکشنز کے تحت کئی پروگرامز میں اپنے فن کا مظاہرہ کر چکے ہیں ۔
ساون کے اہلخانہ کے مطابق والد کی طبیعت اچانک خراب ہوئی ، انہیں مقامی اسپتال لے جایا گی مگر وہ جانبر نہ ہو سکے ۔
واضح رہے کہ گلوکارہ ریشماں تین نومبر 2013 کو سرطان کے باعث دار فانی سے کوچ کر گئی تھیں ۔