گستاخانہ خاکوں کے خلاف سینیٹ میں مذمتی قرارداد منظور
اسلام آباد( 92 نیوز) ہالینڈمیں گستاخانہ خاکوں کے خلاف سینیٹ میں مذمتی قرارداد منظور کر لی گئی ، مذمتی قرار داد قائد ایوان سینیٹر شبلی فراز کی جانب سے پیش کی گئی ۔
سینیٹر شبلی فراز کی جانب سے پیش کردہ قرارداد میں کہا گیا کہ نبی اکرم ؐ سے محبت مسلمانوں کے ایمان کا حصہ ہے ، مسلمان اپنے پیغمبرؐ کی شان میں گستاخی برداشت نہیں کر سکتے، لہذا عمل ناقابل برداشت ہے حکومت اس مسئلے کو سفارتی سطح پر اٹھائے ۔
قرارداد میں مزید کہا گیا کہ اس معاملے پر حکومت پاکستان ہالینڈ کی حکومت سے بھرپور احتجاج کرے ، گستاخانہ خاکوں کا معاملہ یورپی یونین اور امریکہ سے بھی اٹھایا جائے، کسی مذہب کی توہین کرنا آزادی اظہار کے زمرے میں نہیں آتا۔